Maraahil ke ma'ne "stages" yaa "journeys" haiN. toh kuchh apnii journey bataataa chaluuN.
Urdu se meraa official rishtaa saal 2000 se hai. ya'nii saal 2000 meN maine Urdu rasm-ul-Khat paRhnaa seekhii. Unofficially toh bachpan hee se Urdu suntaa aa rahaa thaa. maaN ko filmy gaanoN aur Panjak Udhas kii GhazaloN kaa shauq thaa. humaare yehaaN radio kam bajtaa thaa, rasoii meN maaN ziyaadah gaatii thii. use gaanoN kii dhun meN ziyaadah dil chaspii thii, mujhe alfaaz meN. toh yeh unofficial rishtaa toh bahut puraanaa hai. jab Urdu paRhnaa shuru'u kii toh pataa chalaa k mere daadaa (jo mere paidah hone se kuch maah pahle chal base) Urdu paRhaa karte the. un kii kitaabeN un ke ba'd raddii-jama' ho gayiiN, kyoN k mere Papa kii nasl ke bahut kam Ghair musalmaan India meN Urdu rasm-ul-Khat jaante the.
lekin zabaan rasm-ul-Khat se bahut baRii hotii hai. isiiliye, maine yeh blog Roman meN likhne kaa faislah kiyaa: script kaa jhagRaa hii Khatm (aur sach kahuuN toh hijje hameshaa merii kamzorii rahe haiN). Urdu India kii woh zabaan hai jise bahut se log jaante toh haiN magar maante nahiiN. merii maadarii zabaan Gujarati hai. lekin mahbuubah zabaan Urdu hai. aur laRkaa jawaan hone ke ba'd maaN kaa nahiiN rahtaa, mahbuubah kaa ho jaataa hai. so maiN bhi apne aap ko Urduwaalaa samajhtaa huuN.
merii Khush qismatii hai k mujhe jeewan saathii bhii suKhan fahm aur zahiin milii. us ne mere bure she'roN ko Khaarij bhii kiyaa aur jo use achhe lage un kii dil khol ke ta'ariif bhii kii. so us chhalnii meN jo bach gayaa woh is blog peh upload kiye jaa rahaa huuN: kuchh GhazaleN aur kuchh nazmeN. paRhiye aur bataaiye aap ko kaisii lagtii haiN.
Urdu se meraa official rishtaa saal 2000 se hai. ya'nii saal 2000 meN maine Urdu rasm-ul-Khat paRhnaa seekhii. Unofficially toh bachpan hee se Urdu suntaa aa rahaa thaa. maaN ko filmy gaanoN aur Panjak Udhas kii GhazaloN kaa shauq thaa. humaare yehaaN radio kam bajtaa thaa, rasoii meN maaN ziyaadah gaatii thii. use gaanoN kii dhun meN ziyaadah dil chaspii thii, mujhe alfaaz meN. toh yeh unofficial rishtaa toh bahut puraanaa hai. jab Urdu paRhnaa shuru'u kii toh pataa chalaa k mere daadaa (jo mere paidah hone se kuch maah pahle chal base) Urdu paRhaa karte the. un kii kitaabeN un ke ba'd raddii-jama' ho gayiiN, kyoN k mere Papa kii nasl ke bahut kam Ghair musalmaan India meN Urdu rasm-ul-Khat jaante the.
lekin zabaan rasm-ul-Khat se bahut baRii hotii hai. isiiliye, maine yeh blog Roman meN likhne kaa faislah kiyaa: script kaa jhagRaa hii Khatm (aur sach kahuuN toh hijje hameshaa merii kamzorii rahe haiN). Urdu India kii woh zabaan hai jise bahut se log jaante toh haiN magar maante nahiiN. merii maadarii zabaan Gujarati hai. lekin mahbuubah zabaan Urdu hai. aur laRkaa jawaan hone ke ba'd maaN kaa nahiiN rahtaa, mahbuubah kaa ho jaataa hai. so maiN bhi apne aap ko Urduwaalaa samajhtaa huuN.
merii Khush qismatii hai k mujhe jeewan saathii bhii suKhan fahm aur zahiin milii. us ne mere bure she'roN ko Khaarij bhii kiyaa aur jo use achhe lage un kii dil khol ke ta'ariif bhii kii. so us chhalnii meN jo bach gayaa woh is blog peh upload kiye jaa rahaa huuN: kuchh GhazaleN aur kuchh nazmeN. paRhiye aur bataaiye aap ko kaisii lagtii haiN.