hum ko apanii zindagii tab se bhalii lagne lagii
jab se ik shaitaan sii laRkii parii lagne lagii
zulf us kii raat, suurat chaaNd sii lagne lagii
us kii Khaamoshii bhii jaise sha'irii lagne lagii
ab bhii hum karte haiN sab apanii Khushii se hii magar
us kii marzii ab humeN apanii Khushii lagne lagii
us kii aaNkhoN ke nashe' ko roz yuuN tarse k bas
roz maiKhaanoN meN apanii haazirii lagne lagii
woh nah thii toh thii faqat yeh ik nikammii lat peh ab
she'r kahne kii yeh a'adat kaam kii lagne lagii