nah maiN raajaa thaa, nah woh raanii thii
apanii kuchh aur kahaanii thii
sab naaw Dubo kar kahte haiN
'hum kyaa karte? tuGhyaanii1 thii'
tum kahte ho woh u'lfat thii
maiN kahtaa huuN naadaanii thii
zaalim kii suurat badlii thii
siirat2 jaanii pahchaanii thii
ghar aab meN, bair magarmachh se
apanii shaamat toh aanii thii
dil terii sochoN meN gum thaa
go sajdeh meN peshaanii3 thii
(1. deluge 2. character 3. forehead)