aap kii bazm meN, saahib-e-mohtaram1
kahnewaale bahut, sunnewaale haiN kam
i'shq apnaa bhii kab honewaalaa thaa kam
husn us kaa bhii baRhtaa gayaa dum ba dum
dasht2 meN zor kii chal rahii thii hawaa
kaise miltaa humeN koii naqsh-e-qadam3
hum toh phir bhii Ghazal kah ke sah lete haiN
jo nahiiN kahte kuchh kaise sahte haiN Gham?
'Raaqim' ik roz dunyaa badal jaayegii
muddatoN dil meN paltaa rahaa yeh bharam
(1. respected sir 2. desert 3. footprint)