sabhii ko chaaNd sitaaroN kii aarzuu kyoN hai
jo naa rasaa1 ho use chaah'ne kii Khuu2 kyoN hai
chaman meN aayii nahiiN hai bahaar barsoN se
nah jaane kyaa hai yeh ik phuul kii sii buu kyoN hai
rafaaqatoN3 meN yeh kis ne a'daawateN4 gholiiN
woh jo a'ziiz hai meraa, wahii u'duu5 kyoN hai
fasaane sach se ziyaadah haiN pur asar warnah
jahaaN meN sheKh-o-barahman kii aabruu kyoN hai
nahiiN Khuluus6 hii aapas meN jab to phir 'Raaqim'
yeh silsilah-e-mulaaqaat-o-guftaguu kyoN hai
(1. unreachable 2. habit 3. friendship 4. enmity 5. enemy 6. sincerity, friendship )