phir chalaa huuN jannat kii
aarzuu liye dil meN
phir se aaj raushan haiN
kuchh naye diye dil meN
kyaa nayaa hai jannat meN
sab puraanii baateN haiN
dekhe bhaale din haiN aur
jaanii maanii raateN haiN
phir bhii dil kii a'adat hai
jannateN banaataa hai
'aql se jhagaRtaa hai
aur jeet jaataa hai
jaantaa huuN sacchaa'ii
jannateN nahiiN hotiiN
kaaGhazii gulaaboN meN
nakhateN1 nahiiN hotiiN (1. scents)
jaantaa huuN maiN yeh bhii
ik hasiiN chhalaawaa2 hai (2. illusion)
jawidaaN3 Khushii kaa phir (3. eternal)
ek jhhuuTaa da'awaa hai
phir bhii aazmaane kii
aarzuu hai, niklaa huuN
be sabab4 safar karnaa (4. without reason)
merii Khuu5 hai, niklaa huuN (5. habit)