humaarii zid hai k dil chasp dostaanah ho
k jo bhii dost ho thoRaa bahut diwaanah ho
bahaa u'duu1 jo tujhe meraa KhuuN bahaanaa ho
peh dekh hum meN nah ik rabt-e-KhuuN2 puraanaa ho
Khuluus3 gar hai toh d'awat ke muntazir4 kyoN ho
tumhaara ghar hai chale aao jab bhii aanaa ho
huwaa hai haath jo mailaa toh ab shikaayat kyoN?
tumhiiN toh chaahte the musht5 meN zamaanah ho
use nasiib hai Khilwat6 meN bazm kii i'shrat7
tire Khayaal kaa jis dil meN aanaa jaanaa ho
(1. enemy 2. blood relation 3. sincerity, affection 4. waiting for an invitation 5. fist 6. solitude 7. pleasure)